СЕРБИЯ – До половки юния 2015. року Сербия муши цалком прейсц на диґиталне емитованє телевизийного сиґналу и аналоґни сиґнал перше престанє у Вершцу 30. марца, а после на шоре Кикинда и Зомбор, наявели з Министерства тарґовини, туризму и телекомуникацийох.
З Министерства апелую на гражданох котри маю старши телевизори и програму провадза прейґ антенох, же би цо скорей набавели сет-топ бокси.
Найзагроженши гражданє, котри ше приявя до Центрох за социялну роботу, або филиялох за Пензийне и инвалидске осиґуранє (ПИО), достаню безплатни сет-топ бокси. Трошки нє буду мац анї гражданє котри предплацени на кабловску мрежу, маю ИП ТВ, лєбо сателитску антену.
У цалей Сербиї преход з аналоґного на диґиталне емитованє зажиє уж 1. юния, после чого ше будзе робиц на технїчних ускладзованьох, гварела державна секретарка у Министерству тарґовини, туризму и телекомуникацийох Татяна Матич.