РУСКИ КЕРЕСТУР – У керестурскей парохиї св. оца Миколая нєшка на 20 годзин почина виронаука за младих, а на нєдзелю будзе порада о парохийней виронуки за школярох основней школи.
Виронаука за младих, хтору будзе водзиц о. Михайло Малацко, будзе пиятками – за школярох котри у кулских штреднїх школох уписали виронауку як виборни предмет, алє можу ходзиц и други штредньошколци и млади, як и школяре седмей и осмей класи основней школи.
У керестурскей парохиї ше пририхтує и парохийну виронауку за школярох од 1. по 6. класу ОШ, котри на нєдзелю, 11. октобра, по Дзецинскей Служби Божей на 11,30 г., поволани до Каритасу на пораду пре утвердзованє терминох за отримованє виронауки.
Парохийну виронауку буду отримовац керестурски капеланє о. Владимир Медєши и о. Михайло Шанта и шестри служебнїци.