НАЦИОНАЛНИ СОВИТ – Од ютра, та по пондзелок, 18. януара, у подручних канцеларийох (ПК) НС по наших местох будзе означени 17. януар – националне швето Руснацох у Сербиї. У векшини местох шедзиска ПК у просторийох културно-уметнїцких, односно културно-просвитних дружтвох.
На ютре, 15. януара, националне швето Руснацох будзе означене у Подручней канцелариї у Суботици на 12 годзин, у Шидзе на 17 г. (а нє на 19, як першобутно поинформоване); у Коцуре, у сали Месней заєднїци на 18, а на 19 годзин у Новим Садзе.
На соботу, 16. януара, националне швето будзе означене у Вербаше (у просторийох КПД „Карпати”) – по законченю турниру у столним тенису, хтори у орґанизациї „Карпатох” почина на 10 годзин у ОШ „Петар Петрович Нєґош”.
Исти дзень, на соботу, 16. януара, з вецей програми у Кули будзе Централна шветочносц означованя националного швета Руснацох у Сербиї.
На сам дзень швета, на нєдзелю, 17. януара, швето на 12 годзин будзе означене у Дюрдьове; у Ґосподїнцох (у просторийох Месней заєднїци) на 15 г., у Новим Орахове на 17 г., а подручни канцелариї з Бикичу и Сримскей Митровици нашо швето на нєдзелю означа заєднїцки – на 17 г. у Бикичу.
У Руским Керестуре означованє националного швета Руснацох будзе на пондзелок, 18. януара у просторийох Дому култури.