НОВИ САД – Конкурс за упис дзецох до новосадских дзецинских заградкох ПУ „Радосне дзецинство“ за 2015/2016. рок почина на ютре, 14. априла, и трива по 28. април. Єст 1 762 места, а предшколску програму дзеци годни слухац на сербским, мадярским и словацким язику.
Приоритет у конкурованю за упис до предшколскей установи буду мац дзеци з чувствительних ґрупох, за котри нє будзе важиц система бодованя.
Формулари за упис родичи можу вжац у Управи „Радосного дзецинства“, у улїци Павла Симича, лєбо на сайту Установи https://predskolska.rs/konkursi-i-dokumentacija/ Прияви мож придац кажди роботни дзень од 8 до 17 годзин, а соботу од 8 до 14 годзин.
Резултати конкурсу буду обявени 15. юния на будинкох шицких дзецинских заградкох, хтори родичи наведли як примарни.