Од 18. новембра у Керестуре двоме лїкаре

автор сен
847 Опатрене

РУСКИ КЕРЕСТУР – Од идуцей стреди, 18. новембра, у керестурскей Здравственей амбуланти почнє робиц ище єден лїкар общей пракси, гварел за Рутенпрес директор Дому здравя Кула Жарко Шевин.

Понеже єден лїкар з керестурскей амбуланти прешол до варбаского шпиталю, уж длугши час роби лєм єдна лїкарка. Гоч робота добре орґанизована, у амбуланти часто велька гужва, а пропорцийно числу гражданох, у Керестуре би мали буц двоме дохторе, потолковал Шевин.

Ище скорей як Керестурци остали без єдного лїкара, Дом здравя Кула од Министерства здравя достал дошлєбодзенє анґажовац лїкара общей пракси, лєбо ґинеколоґа. Понеже до Керестура нєобходни лїкар общей пракси, у Доме здравя го одлучели анґажовац, а  проблем з нєдостатком нового ґинеколоґа ище нє ришени.

ПОВЯЗАНИ ТЕКСТИ