КАМЄНКА (СЛОВАЦКА) – Русински валал Камєнка у старолюбовлянскей општини того року означує 700-рочнїцу постояня, односно першого писаного документу о тим месце.
Означованє ювилею почало ище концом прешлого рока, а концом априла є означени и з вельким стретнуцом Камєнчанох и їх госцох, кеди орґанизовани рижни културно-уметнїцки, спортски, забавни и други змисти.
Камєнка медзи найстаршима местами у општини Стара Любовня, у нєй жию Русини и цали валал и хотар характеристични по пестованю русинскей традициї и култури, пише словацки „Корзар”.
Главна програма означованя 700-рочнїци була „Днї обичайох и традиїциї Русинох” у амфитеатре Дубно, збудованим пред 50 роками, а тераз реконструованим и пошвеценим.
