ШИД – Вчера, на швето Преношеня мощох Святого оца Миколая (по юлиянским календаре), Месна заєднїца Шид и храм Сербскей православнйе церкви у Шидзе, хтори ноши мено спомнутого святителя, означели свой Дзень.
Означованє почало зоз Шветочну схадзку Совиту Месней заєднїци, на хторей пошвецени славски колач и додзелєне „Святомиколайске припознанє”, хторе того року достал Тим за уметносц ОШ „Сримски фронт” у Шидзе. У Тиме наставнїци сербского язика и музичней и подобовей култури.
У церкви Святого оца Миколая потим служена Шветочна Служба Божа, а по богослуженю по главних улїцох городу ишла процесия, хтора закончена з пригодну културно-уметнїцку програму.
Означованє Дня Месней заєднїци и церкви закончене вечар у сали Културно-образовного центру зоз Шветочну академию, хтору пририхтали школяре шидскей ОШ „Бранко Радичевич”.
