НОВИ САД – Нєшка на 12 годзин на новосадским кею, при памятнїку „Фамелия” буду положени венци и спущени до Дунаю, як здогадованє на траґичну подїю хтора ше збула од 21. по 23. януар 1942. року, кед забити 1 200 Новосадянє.
Пред тим, на 11 годзин, на будинку у улїци Краля Александра Першого будзе одкрита спомин-плоча фамелиї Чура, котра страдала у Рациї 1942. року
З тей нагоди бешеду отрима городоначалнїк Нового Саду Милош Вучевич, а буду отримани и панахиди Сербскей православней церкви и Єврейскей заєднїци.
Понеже медзи политичнима, алє и вирскима лидерами у Новим Садзе постоя одредзени нєскладаня, рочнїцу Новосадскей рациї ше означує два днї, та так на памятнїк „Фамелия” венци уж вчера положели Делеґация СУБНОР, Покраїнскей влади и делеґация Городского одбору Лиґи социялдемократох Войводини.