ШИД – У сали Скупштини општини Шид вчера отримани округли стол з тему „Општина одвичательна спрам фамелиї и дїловней заєднїци”, хтори бул пошвецени роботному афирмованю женох и женскому поднїмательству.
На сходзе було слова о тим як мож цо вигоднєйше достац „старт-ап” (початни) кредити, та як витвориц контакти з Приввредну комору, лєбо з Координацийним целом за родну ровноправносц.
Присутним бешедовали директорка Академиї женского поднїмателяства Яна Забунов, предсидателька Скупштини општини Шид Наташа Цвєткович, предсидателька Здруженя „Перши жени Сриму” Весна Вученович и членїца того здруженя Славица Симанович, як и предсидателька Здруженя „АРТЕСА” з Кикинди Светлана Козич.
На округлим столє, медзи иншим, наглашене и же би жени мали велька помоц кед би їх роботи була просподобена и робота предлуженого пребуваня дзецох у школох и дзецинских заградкох.