КУЛА – Школярка осмей класи Основней школи „Петефи бриґада“ Оливера Чакан з Кули з писню „Стари орех“ завжала треце место на литературним конкурсу „Златни мотиль“, чия тогорочна тема була „Природа и чловеково околїско“, пише портал „Нашо место”.
Награди за найлєпши роботи додзелєни внєдзелю, 26. мая, у Велькей сали Дзецинского културного центру у Беоґрадзе, а з програму означени и 118 роки од народзеня Десанки Максимович, по чиєй кнїжки конкурс достал мено.
На конкурс сцигли аж 800 прияви зоз Сербиї и сушедних жемох – Босни и Герцеґовини, Републики Сербскей, Чарней Гори и Македониї.
Оливера ходзела и на годзини руского язика, а то уж штварта награда хтору освоєла у тим школским року. На истим конкурсу Марияна Бабич зоз шестей класи ОШ „Петефи бриґада“ достала похвалу за свою писню, а обидвом менторка наставнїца Тат`яна Вєштица.