КОЦУР – Шаховски клуб Омладинєц з Коцура у останїм колє Бачкей лиґи-ґрупа Суботица вчера бавел дерби змаганє у Вербаше, и победзел домашнї ШК Вербас з 3,5:2,5.
За искру победзели Карлко Бала и Никола Тадич, реми одбавели Владимир Лазор и Стеван Перич, а Стефан Йока свойо змаганє страцел.
Омладинєц у єшеньскей часци сезони зазначел 3 побиди, єдно змаганє одбавел нєришено и сезону закончел на 4. месце на таблїчки, так же витворени циль – и надалєй ше змагац у истей лиґи.
Нова сезона у шаховских лиґох почина нарок у маю.