РУСКИ КЕРЕСТУР – Пумпа за воду на Б4 студнї на водоводу при пристанїщу у Руским Керестуре оправена тих дньох.
Ремонт пумпи поробело Явне комуналне подприємство „Рускомˮ, а як гварел директор того подприємства Иґор Фейди, пумпа єден час нє робела пре гаварию на мотору пумпи на студнї Б4.
Понеже уж у маю зазначене векше количество трошеня води, оправена пумпа оможлїви лєпше функционованє прициску у валалскей водоводней мрежи.