ВЕРБАС – Тих дньох члени Културно-просвитного дружтва „Карпати” з Вербасу орґанизовали роботну акцию з хтору ушорели просториї Дружтва. Дзекуюци спонзорови з Нового Саду оправене закрице на Велькей сали, а сала и обилєна. Тота инвестиция коштала 100 000 динари.
Як гварел предсидатель Дружтва др Деян Загорянски, закрице уж єден час премакало, та на єдней часци сали очкодовало мури.
– Попри терашнього оправяня, влонї адаптовани будинок у хторим змесцени канцелариї, библиотека и клуб и з тим зме, перши раз после 10 рокох як су вибудовани, змогли моци уложиц до просторийох – гварел Загорянски.
После роботней акциї сала попораєна, а акция закончена з роботну схадзку Вивершного одбору Дружтва, дзе сумировани дотерашнї активносци и резултати КПД и направени плани за дальшу роботу.
