ДЮРДЬОВ – Матурски вечар у Основней школи „Йован Йованович Змай” у Дюрдьове бул отримани пондзелок, 14. юния, у просторийох школи.
З кратким дефилеом по парку опрез школи почал матурски вечар котри матуранти длуго чекали, а церемония предлужена у дворе Школи на котрей, пре епидемийну ситуацию, могли буц присутни лєм родичи.
Осемрочне школованє закончели 65 школяре у штирох оддзелєньох, од котрих єдно руске. Пецеро школяре достали Вукову диплому од котрих три школярки зоз руского оддзелєня, а то Ксения Вереш, Марина Барна и Ясмина Мудри.
За школярку ґенерациї вибрана Ксения Вереш котра зоз своїм трудом, знаньом и упартосцу котру указала през свойо осемрочне школованє заслужела тоту наисце важну награду.