РУСКИ КЕРЕСТУР – Вчера у Руским Керестуре основана Месна орґанизация инвалидох роботи и на сновательней схадзки за предсидателя вибрани Владимир Сеґеди, а за подпредсидателя Милан Зорич.
На сновательней схадзки у Доме борцох и пензионерох присуствовал и предсидатель Општинскей орґанизациї инвалидох роботи Кула Обрад Войнович, а прейґ нєй, керестурска орґанизация будзе часц и Союзу инвалидох роботи Войводини.
Месна орґанизация инвалидох роботи основана пре витворйованє правох на рижни бенефициї хтори маю инвалиди и пре тото вецей нє буду мушиц исц до векших местох.
Тераз ушлїдзи реґистрованє и други потребни процедурални роботи, а до Месней орґанизациї ше можу уключиц шицки особи котри маю даяки инвалидитет, по було якей основи. Заинтересовани най ше явя Владимирови Сеґедийови на тел. 064/599-10-77