НОВИ САД – Покраїнска влада стреду, 27. юлия, основала Одбор за координованє активносцох на вибудови будинку Явней медийней установи Радио-телевизиї Войводини, на чиїм чолє предсидатель Покраїнскей влади Иґор Мирович, а подпредсидателє предсидатель Скупштини АП Войводини Иштван Пастор и городоначалнїк Нового Саду Милош Вучевич.
У Одборе покраїнски секретаре, чолнїки РТВ, дзепоєдних новосадских явних подприємствох, Управи за капитални укладаня Войводини, а двох членох до Одбору менує Влада Републики Сербиї.
Як сообщене з Покраїнскей влади, Одбор дефинує активносци и час за вибудов будинку РТВ и будзе координовац шицких представительох власци котри уключени до того велького проєкту.
Покраїнска влада на стредовей схадзки бешедовала и о дзепоєдних кадрових питаньох та, медзи иншим, розришела длужносци управнїка Сербского народного театру Александра Милосавлєвича, а за о.д. директора меновала проф. др Зорана Дєрича.
На схадзки прилапени и звит о вивершеню буджету АПВ у першей половки того рока.