НОВИ САД – Социялдемократска странка (СДС) основала Покраїнски одбор, а за предсидателя Одбору вибрана Урания Козмидис Лубурич, сообщене вчера зоз СДС.
Урания Козмидис Лубурич з тей нагоди виявела же, после нєдавного снованя Городского одбору СДС у Новим Садзе, тота странка порихтана у полним капацитету ступиц на политичну сцену Войводини, а фокус странки, хторей на чолє Борис Тадич, будзе предкладанє ришеньох за економски проблеми, алє и у обласцох образованя, здравства и култури у тим мултинционалним штредку.
За предсидателя пред тим основаного Городского одбору СДС Нови Сад вибрани Дьордє Константинидис, сообщене з тей странки.