НОВИ САД – Сенат Универзитету у Новим Садзе розписал конкурс за упис студентох на перши рок основних фаховних, академских и интеґрованих студийох, мастер академских, та докторских студийох за академски 2015/2016. рок. Од того року Универзитет понука 13 нови студентски програми на мастер и докторских студийох.
Покраїнска влада принєсла одлуку же на факултети хтори ше финансує з буджету Автономней покраїни Войводини того року можу буц уписани 15 418 нови студенти, а з того 8 125 буду финансовани з буджету.
На Филозофским факултету на мастер студийох отворени напрями Сербска филолоґия: Сербски язик як странски язик и Конференцийне, фахове и авдиовизуелне прекладанє, а нова програма докторских студийох на Филозофским факултету то Интердисциплинарни докторски студиї у обласци дружтвено-гуманистичних наукох и
Технолоґийни факултет отворел мастер програму Управянє з материялнима и енерґетскима цеками, а Факултет технїчних наукох програму Анимация у инжинєрстве. На Економским факултету нова програма Дїловна економия и менаджмент.
Педаґоґийни факултет ма нови напрям – Мастер библиотекар-информатичар, а Академия уметносцох Музика и медиї. Академия уметносцох у Новим Садзе того року понука и аж пейц нови докторски програми: Композиция, Музиколоґия, Подобово уметносци, Применєни уметносци и дизайн и Драмски и авдиовизуелни уметносци.