НОВИ САД – У Дунайским парку у Новим Садзе пияток, 16. децембра, отворена жимска манифестация „Лядови лєс”, дзе главна атракция дражка за шлїзканє вонконцом коло озера у парку. Коло шлїзкалїща у киоскох мож купиц єдла и сувенири.
До парку мож войсц шлєбодно, а уходнїци ше наплацує на уходзе на дражку за шлїзканє и коштаю 150 и 200 динари, у зависносци од змени. Дополадня за дзеци котри ше нє знаю корчольац уход задармо, алє у присустве инструктора корчоляня.
Поставена и платформа на хторей кажди дзень буду наступац музични состави, театрални ґрупи, аниматоре, а задумани и креативни и едукативни роботнї.
Манифестация “Лядови лєс” у Дунайским парку тирва два мешаци, по 15. фебруар 2017. року.
