РУСКИ КЕРЕСТУР – У орґанизациї шестрох служебнїцох у їх манастире у Руским Керестуре всоботу отримана ище єдна успишна Духовна обнова за старших од 35 роки.
Тема духовного викладаня була повязана з актуалним Роком милосердия – прецо ше го означує и цо понука вирним, а учашнїки тему преглїбйовали у менших ґрупох и на медитациї.
Учашнїки могли приступиц и до Св. тайни споведзи и мац духовну розгварку зоз священїками – о. Виталийом Лотоцким ЧСВВ и о. Владимиром Медєшом, як и участвовац на Служби Божей у Катедралней церкви, дзе пред тим вєдно прешли през святи дзвери, у духу Ювилейного року.
На Духовней обнови участвовали 23 особи з Керестура, Коцура, Кули, Нового Саду, Червинки и з Крущичу, а попри тих котри участвовали на дотерашнїх двох, було и нови особи.
У о„ранизациї стретнуца участвовали шицки шестри служебнїци, а поготов ш. Мартина, ш. Емануила, ш. Фаустина и ш. Мария. Шлїдуюца духовна обнова будзе о два мешаци.