КОЦУР – У Коцуре всоботу, 19. марца, отримана порядна Рочна скупштина Месней орґанизациї инвалидних и других пензионерох, хтору водзела предсидателька Орґанизациї Андя Хромиш, а присуствовали числени члени здруженя.
Винєшени звит о роботи и финансийни звит за прешли, як и плани роботи за 2016. рок. Як найвекши успих Месней орґанизациї у прешлим року визначене обезпечованє и адаптованє власних просторийох, а їх дальше оправянє будзе приоритет роботи и у тим року.
На Скупштини дополнєти Управни одбор, так же за нового члена вибрани Драґиша Самочета, котри по Виберанкову скупштину будзе и нови касир.
На схадзки присуствовали и предсидатель Општини Вербас др Братислав Кажич, предсидатель Совиту Месней заєднїци Коцур Желько Бєлан, представителє коцурских здруженьох, Партиї зєдинєних пензионерох Сербиї, та представителє здруженьох пензионерох з других местох.
