НОВИ САД – Шеста схадзка Управного одбору Дружтва за руски язик, литературу и културу отримана пияток, 21.новембра 2025. року у Заводу за културу войводянских Руснацох.
На Дньовим шоре були предложени 8 точки, а слова було о активносцох Дружтва медзи схадзками и по конєц 2025. року, о Програми Дружтва зоз Календаром рочнїцох за 2026. рок, о Програми 35. Дньох Миколи М. Кочиша 2025. року и о авторох и роботох 7. науково-фахового сходу, хтори ше отрима 12. децембра 2025. року.