ШИД – Всоботу у Словацким доме отримана 24. по шоре привредно-туристична манифестация „Сримска забивачка и колбасияда“, точнєйше пре пандемию вируса корона отримана лєм колбасияда, односно преглашованє найлєпших сухих колбасох.
Як за Рутенпрес гварел Станислав Дєрчан, предсидатель Здруженя „Сримска забивачка и колбасияда“, хторе орґанизатор манифестациї, продукователє принєсли на оценьованє 40 прикладнїки сухих колбасох.
Фахова комисия у составе Милорад Попович и Лазар Бошнякович зоз Технолоґийного факултета у Новим Садзе и Растислав Стухар зоз Шиду спред орґанизатора, оценєли шицки колбаси.
Перше место освоєл Младен Лемаїч, друге Милан Кабич, а треце Йован Буроєвич, шицки зоз Шиду.
Урядове преглашованє побиднїкох з додзельованьом плакетох будзе того тижня после швета державносци.
