КОЦУР – Вчера у коцурским Оддзелєню „Герлїчка” Предшколскей установи (ПУ) „Бошко Буха” Вербас, отримане пияте Стретнуце предшколских дзецох котри виучую руски язик. Попри домашнїх, на Стретнуцу були дзеци з рускокерестурского Оддзелєня „Цицибан” ПУ „Бамби” з Кули и дюрдьовского Оддзелєня „Дюрдєвак” ПУ „Дзецинство” Жабель.
Дзеци єдни другим указали цо знаю рецитовац и шпивац, а даєдни шпиванки одшпивали и вєдно. Познєйше ше шицки вєдно прешпацирали по валалє, а нащивели и Етно-клуб „Одняте од забуца”, дзе им Радойка Лазор бешедовала о вистави хтора була виложена з нагоди Ноци музейох.
Попри спомнутих змистох, було и надосц часу за друженє и уживанє у бависку, а воспитачки вичерали искуства у роботи.
На Стретнуцу присуствовали и предсидателька Одбору за образовнє Националного совиту Руснацох Мелания Римар и директорка вербаскей ПУ Драґица Ґоранович.