КОЦУР – У церковней сали грекокатолїцкей церкви у Коцуре вчера отримани перши Крачунски саям, хтори тирвал цали дзень. Саям орґанизовали волонтерки коцурского Каритасу, а придружели им ше и жени з валалу, як и з Руского Керестура.
Каритасово волонтерки и монахинї з коцурского манастиру на Сайме предавали колачи, ґаґорки, икебани, карточки и други ручни роботи, а цалосни приход з предаваня будзе вихасновани за друженя старих и дзецох з окремнима потребами, як и за нащиви хорим и нємоцним.
Креативки з Коцура и з Руского Керестура часц приходу з предатих роботох на Сайме тиж видвоєли за спомнути намени.