КОЦУР – Вчера, 27. децембра, у Коцуре отримани шаховски Спомин-турнир пошвецени шицким покойним предсидательом и шахистом домашнього Шаховского клубу (ШК) „Омладинєц”. На турнире участвовали 22 бавяче з Коцура, Вербасу, Змаєва, Кули, Нового Саду и Србобрану.
Турнир мал седем кола, бавело ше по 15 минути, а на концу победзел Стеван Срдянов зоз Србобрану.
Друге место освоєл Саво Манойлович, тиж зоз Србобрану, а треци бул Стеван Перич з Кули.
Отримованє турниру помогли Месна заєднїца Коцур, СТП „Славица”, Микола Иван и секретар ШК Дюра Фейса.
