РУСКИ КЕРЕСТУР – У Основней школи „Петро Кузмяк” вчера закончене Школске змаганє з руского язика и язичней култури на хторим участвовали штерацецседмеро школяре од пиятей по осму класу.
Вчера отримане змаганє у катеґориї осмей класи, на хторим участвовали дзевецеро школяре, а пред даскельома днями и за пияту класу, дзе ше змагал 21 школяр. Школярох пририхтала наставнїца Каролина Папуґа, а резултати змаганя буду познати идуцого тижня.
Школске змаганє з руского язика 18. фебруара отримане и за школярох шестей и седмей класи, дзе преподава наставнїца Ксения Шовш. Зоз шестей класи на змаганю участвовали осмеро, а у седмей дзевецеро школяре, и за дальши ступень змаганя ше пласовали штверо, односно шесцеро.
Найлєпши на школским пойду на Медзиокружне змаганє, хторе того року будзе отримане 2. априла у ОШ „Йован Йованович Змай” у Дюрдьове.