Очисцени керестурски базен

автор зам
946 Опатрене

РУСКИ КЕРЕСТУР – У орґанизациї Явного комуналного подприємства „Руском” и Месней заєднїци, вчера, 14. юния, отримана роботна акция на чисценю рускокерестурского базену.

На роботней акциї участвовали коло 50 школяре, векшином висших класох ОШ „Петро Кузмяк”, як и дзепоєдни штредньошколци, млади и старши поєдинци. У роботи участвовали и члени ДОД, Керестурец Михал Надь Месар за тоту нагоду дал моторчки и трактор, огньогасци черева за вимиванє базену, „Руском” роботнїкох, гориво и хлор за дезинфикованє.

У базену найвецей було трави, наду и мулю, на бокох и жабурини, цо шицко вичисцене и дезинфиковане. По законченю роботи Месна заєднїца за акцияшох пририхтала полудзенок и ошвиженє.

После чисценя базену, „Руском” там предлужи кошиц траву, буду покладзени и слункобрани, так же базен будзе порихтани за купанє.

ПОВЯЗАНИ ТЕКСТИ