Пайтич сумировал 12 роки на чолє Покраїнскей влади

автор сен
1.2k Опатрене

НОВИ САД – З нагоди конца мандату, предсидатель Покраїнскей влади и його сотруднїки вчера отримали конференцию за новинарох, на хторей бешедовали о резултатох роботи у периодзе од 2004. по 2016. рок.

– Одходзиме задовольни з посцигнутима резултатами, алє и застарани за судьбу Войводини и шицки отворени питаня хтори, пре политични поени, тримали як политичних зараброваних коло два милиони гражданох Войводини. Обчекуєме же у найкратшим периодзе будзе ришени проблем финансованя Войводини у рамикох Уставу, дефиновани одвичательносци и средства за компетенциї АПВ, же локални самоуправи буду мац векши трансфери, а польопривреднїки годни жиц од своєй роботи на своєй жеми – гварел Пайтич.

На презентованю 12-рочней роботи под час хторей ДС и єй партнере була на чолє Покраїнскей влади Пайтич наглашел же Влада на початку першого мандату одлучела же приоритет будзе здравє, дзеци и найстарши гражданє, а намагала ше же би шицки гражданє мали єднаки можлївосци за доставанє средствох.

ПОВЯЗАНИ ТЕКСТИ