РУСКИ КЕРЕСТУР – Вчера пополадню, на швето Шицких святих по григориянским календаре, парохиянє керестурскей парохиї ше у вельким чишлє зишли на теметове, дзе Панахиду за шицких покойних служели парох о. Михайло Малацко и капелан о. Владимир Медєши.
У пригодней казанї парох о. Малацко потолковал чин приходу на тото Богослуженє, хтори ма корень у вири християнох до воскреснуца, та ше з панахиду дава чесц умартим и модлї ше за покой їх душох.