ШИД – Парохиянє парохиї Преображеня Господнього у Шидзе вчера з добродзечну роботну акцию попораєли церковну порту, а на акциї участвовали и жени и хлопи.
Позаметане нагромадзене лїсце и друге шмеце, а жени ушорели и заградку опрез Лєтнєй владическей резиденциї.
Як гварели учашнїки на акциї, понеже з платанох ище вше нє поопадовало шицке лїсце, вироятно нєодлуго будзе отримана ище єдна подобна акция.