НОВИ САД – Предсидатель Скупштини Войводини Иштван Пастор оценєл вчера же би питанє положеня Войводини у новим Уставе Сербиї требало актуализовац после виберанкох у Войводини, на мире и з бистру главу.
Пастор гварел же ше становиска о положеню Войводини у новим Уставе муши артикуловац. Здогаднул же Акцийни план, хтори прилапела Влада Сербиї, предписал же нови Устав будзе прилапени концом 2017. року и оценєл же Войводина муши мац ширшу автономию знука Републики Сербиї як цо є нєшка и надпомнул же тото питанє треба ушориц зоз системским законом. Тиж додал же Войводина муши мац законодавну, судску и вивершну власц.
Коментаруюци отверанє канцелариї посланїкох мадярского Йобику, предсидатель СВМ оценєл же у Войводини екстремизем постої, як и у каждим дружтве, алє „на щесце, з барз огранїченим досягом”.