СУБОТИЦА – На виберанковей скупштини Союзу войводянских Мадярох (СВМ), хтора отримана всоботу, 25. априла, Иштван Пастор по треци раз вибрани за предсидателя тей странки.
Пастор бул и єдини кандидат за предсидателя странки, а з 277 присутних делеґатох, за ньго гласали 274-еро, док три лїстки були нєважаци. Вибрани и 50 члени Совиту СВМ, а 51. член то предсидатель странки, односно Пастор. Як наявене, идуцих дньох будзе оформене Предсидательство и други цела СВМ.
З тей нагоди Пастор гварел же є задовольни же ше странка виборела за єдинствену потримовку мадярскей заєднїци, а на политичней сцени Сербиї нє ма нєприятельох. Наглашел же СВМ ма буц реґионална странка, хотра насампредз представя интереси Мадярох.