НОВИ САД – По конкурсу Покраїнского секретарияту за енерґетику и минерални сировини, вредносци 30 милиони динари, безповратни средства за рекултивацию напущених копальньох достаню општини Кула и Бечей, та месни заєднїци Коцур, Лалить, Орешац, Донї Товарник, Банатске Карадьордєво и Стари Лец.
З нагоди подписованя контрактох о додзельованю безповратних средствох, ресорни покраїнски секретар Ненад Станкович гварел же конкурс помогнє локалним самоуправом же би ушорели такволани еколоґийни чарни дзири и тоти запущени поверхносци достали иншаку намену.
На явни конкурс ше приявели 19 општини, а после препатрунку фаховей комисиї прилапени осем горе наведзени прияви.