Перша придата лїстина „Александар Вучич–Сербия победзує”

автор влдї
1.3k Опатрене

ШИД – Перша придата лїстина за локални виберанки за одборнїкох СО Шид до Општинскей виберанковей комисиї то лїстина „Александар Вучич–Сербия победзує” Сербскей напредней странки з коалицийнима партнерами, а Општинска виберанкова комисия вчера и потвердзела спомнуту лїстину.

Тото виявела и Милица Ракетич, предсидателька спомнутого виберанкового цела и додала же лїстину з подписами потримали 1 385 вибераче, а перши на лїстини Предраґ Вукович, актуални поверенїк Сербскей напредней странки за општину Шид. На тей лїстини 39 кандидати.

Оддзелєнє за общу управу Општинскей управи поволує виберачох же би преверели чи су уписани до виберацкого списку и чи треба виправиц одредзени особни податки.

Гражданє хтори нє уписани до виберацкого списку або вимагаю уписованє одредзеней пременки вимогу можу поднєсц найпознєйше по 8. април до 24 годзин.

ПОВЯЗАНИ ТЕКСТИ