МИКЛОШЕВЦИ – У грекокатолїцкей церкви Рождества Пречистей Дїви Мариї у Миклошевцох вчера преславена Свята Евхаристия, а з тей нагоди на Служби Божей на 10,15 годзин, хтору служел парох миклошевски и викар славонско-сримски о. Яким Симунович, до Першей святей причасци приступели двойо школяре трецей класи ОШ Ребека Батакович и Владимир Красник.
Першопричашнїки ше пияток перши раз и споведали, а у казанї на Служби о. Симунович визначел же ше длугши час пририхтовали за тоту подїю.
За тото же постали члени валалскей духовней заєднїци заслужни и їх родичи, гварел о. Симунович, на чим им подзековал, а першопричашнїкох подзелєл спомини на Першу причасц.
По Служби коло церкви була процесия зоз Святима тайнами, на хторей дзивчата руцали свят.