НОВИ САД – Вчера, на Перши дзень Русадльох, у нашей церкви у Новим Садзе Першу причасц прияли Миня Москаль, Мая Венчельовски, Елена Еделински, Яна Фейса, Мирко Венчельовски, Серґей Сакач и Иґор Колбас.
У пригодно украшеней церкви школяре Першу причасц прияли на Служби Божей хтору служели новосадски парох о. Юлиян Рац и о. Володимир Башутски з Винипеґу у Канади.
У казанї о. Рац повинчовал першопричашнїком и їх родичом, подзековал родичом и вироучительком ш. Георгиї и Меланиї Римар и гварел дзецом же тераз Исус вше будзе з нїма.
На шлїдуюцу нєдзелю, 26. юния, дополадньова Служба Божа у Новим Садзе будзе на 10,30 годзин, а Вечарша нє будзе.
