НОВИ САД – Владика и наш еґзарх кир Георгий Джуджар вчера, на Русадля по юлиянским календаре, у Новим Садзе предводзел Службу Божу на хторей ше першираз причащали Лена Фейса, Альоша Дюранїн, Маша Джуджар, Михайло Ковач, Лидия Колбас и Фиона Грубеня.
Сослужели о. др Роман Миз и парох новосадски о. Юлиян Рац, апостол читал єден з першопричашнїкох – Альоша Дюранїн, а за тоту подїю дзеци пририхатали вироучительки ш. Георгия и Мелания Римар.
– Радуєме ше з першопричашнїками, їх родичами и родзину, бо прияли Бога Исуса Христа, хтори нас так полюбел же сце вше буц з нами – гварел з тей нагоди владика кир Георгий.
Парох о. Рац тиж повинчовал дзецом, їх родичом и родзини и похвалєл их труд и намаганя же би були добри християнє.
На памятку тей велькей подїї першопричашнїки достали диплому и образи, а после Служби и Молебену було аґапе.