РУСКИ КЕРЕСТУР – У своїм манастире у Руским Керестуре шестри Служебнїци 25. и 26. фебруара орґанизовали духовну обнову за панїматки, цо першираз у новшей историї нашей церкви на тих просторох.
Духовна обнова отримана о актуалним Ювилейним року милосердия, а други дзень учашнїци духовней обнови у духу Ювилейного року прешли и през святи дзвери нашей катедрали и участвовали на Преждеосвященей Служби Божей.
Гоч ше на духовней обнови удало участвовац лєм тром панїматком, двом з Керестура и єдней зоз Сримскей Митровици, шицки ше наздаваю же така пракса зажиє бо є вецейнїсто хасновита. Подобни искуства єст у Грекокатолїцкей церкви у других крайох.