КУЛА – Рисунок у сухим пастелу „Вибрациї” Амалиї Ковач з Кули пласовал ше на Покраїнску смотру подобовей творчосци, после отриманей Зонскей смотри у Ґалериї Културного центру у Кули.
Зонска смотра подобовей творчосци аматерох у Кули отримана внєдзелю, 9. октобра, а попри Ковачовей, на Покраїнску смотру ше з по єдну свою роботу пласовали и Йосип Клер з Червинки, та Снежана Давидович и Томи Тамаш з Кули.
На Зонскей смотри участвовали 42-ойо уметнїки (шесцеро з кулскей општини) з исто тельо роботами з општинох Зомбор, Апатин, Оджак и Кула, а подобово роботи оценьовал историчар уметносци Миле Иґнятович з Нового Саду.
Покраїнска смотра будзе отримана початком новембра на Паличу.