КОЦУР – Внєдзелю, 7. юния, Шаховски клуб Омладинєц з Коцура одбавел остатнє змаганє у ярнєй часци першенства у Войводянскей лиґи-ґрупа Бачка, процив екипи Вулкан Протектор з Апатину и победзел з 5:3.
Побиди зазначели Карло Бала, Никола Тадич, Миряна Шолая и Стефан Йока. Реми одбавели Владимир Лазор и Ґоран Попович, док Ґавра Коларич и Споменко Павичевич свойо змаганя страцели.
Омладинєц после 5 одбавених колох на 6. месце на таблїчки, а єшеньска часц першенства почина у септембру.