РУСКИ КЕРЕСТУР – Рукометашки и рукометаше рускокерестурского Русину прешлого викенду на домашнїм терену вивойовали побиди у першенствених змаганьох у своїх лиґох – рукометашки у Женскей рукометней лиґи Срим-Южна Бачка, а рукометаше у Бачкей рукометней лиґи.
Женска рукометна екипа Русину победзела Раднички зоз Шиду зоз 27:26 и то друга побида Русину у ярнєй часци першенства. Найвецей ґоли за Русин на тим змаганю посцигли Варґова 10, Зоричова 7 и Надьова 5.
Рукометаше Русину зоз 33:27 победзели Гранїчар з Ґакова, а найвецей ґоли за Русин дали Папуґа 10, Гербут 9, а Мудри, Салак и Зелич по 4.
У шлїдуюцим колє рукометашки у Керестуре дочекую Кленак, а рукометаше госцую у Суботици процив Войдраги.