КУЛА – На сайту општини Кула, як и у месних канцеларийох, обявена явна поволанка за евидентованє потенциялних хасновательох помоци у пакетох поживи за найзагроженши фамелиї вибеженцох и интерно розселєних особох на териториї кулскей општини.
Право на помоц можу витвориц найзагроженши фамелиї з важацу вибеженску леґитимацию, потим фамелиї интерно розселєних особох з пребуваньом на териториї кулскей општини и фамелиї бувших вибеженцох и интерно розселєних особох котри витворели право на пенєжну социялну помоц прейґ Центру за социялну роботу.
Формулар прияви треба придац по 16. октобер до 14 г. поверенїци за вибеженцох, лєбо послац препоручено по пошти до Општинскей управи Кула (Ленїнова 11), а информацию о потребней документациї и формулар мож достац у месних канцеларийох, у канцелариї поверенїци за вибеженцох у будинку Општини (хижа ч. 23), лєбо превжац зоз сайту општини Кула – www.kula.rs.