НОВИ САД – На ютре, 18. априла, у Новим Садзе на 8 годзин почнє акция на ушореню парохийного дому нашей грекокатолїцкей церкви.
Поволуюци заинтересованих Новосадянох котри жадаю помогнуц, предсидатель Церковного одбору Мирослав Грубеня гварел же на акцию треба принєсц метли и шпахли, понеже би мало буц ошкрабане старе билєнє и поплатани дзири, та офарбени мури и столария.