КУЛА – Културно-просвитна заєднїца (КПЗ) Општини Кула поволує подобових уметнїкох з местох кулскей општини же би ше приявели за участвованє на 15. Општинскей смотри подобовей творчосци.
Прияву, хтору мож найсц на сайту КПЗ – www.kpzkula.com – по 3. юлий треба придац до Подобовей ґалериї Културного центру Кула, лєбо послац по е-адреси: kpzkula.s@gmail.com а подобово роботи до Подобовей ґалериї треба принєсц по 8. юлий.
Єден автор на Општинскей смотри може участвовац з найвецей двома роботами, роботи нє шму буц старши як два роки, а нє мож посилац роботи хтори уж участвовали на Смотри. Мож участвовац зоз шицкима формами виражованя у подобоей уметносци.
Датум отримованя Општинскей смотри ище нє одредзени.