РУСКИ КЕРЕСТУР – Дижджовни рок, мало слунка и моцни витри за продуковательох слунечнїку значели вельки утрати, понеже урожай значно спод просеку. Тлаченє закончене, а як гваря одкупйоваче, урожай слунечнїку од 80 до 21 метер по гольту, та и найвекши продукователє того року нє могли заробиц.
Аконтна цена слунечнїку на трох одкупних местох у Руским Керестуре – у „Аґрохома”, „Аґрокерестур” и „Юарбис” була 30 динари, а за тераз нє познате яка будзе конєчна.
Прешлого тижня почало и тлаченє сої, хторей дижджовни рок одвитовал, та перши штреднї урожаї 22-23 метери по гольту. За тераз соя досц влажна, коло 14-15 одсто, а понеже за наиходзаци днї наявени паданя, польопривреднїки понагляю цо вецей витлачиц.
Аконтна цена сої 35-36 динари, а у Керестуре ю одкупюю три спомнути подприємства.