Подписани спорозуменя конкретизовац

автор зам
834 Опатрене

НОВИ САД – Предсидатель Покраїнскей влади Иґор Мирович вчера бул домашнї амбасадорки Словацкей Републики у Сербиї Даґмар Репчековей, а на схадзки присуствовали и покраїнски секретар за польопривреду, водопривреду и лєсарство Вук Радоєвич и покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич.

Констатоване же би спорозуменя хтори Войводина ма подписани з реґионами у Словацкей о медзиреґионалним сотруднїцтве требало запровадзиц и у форми голєм єдного конкретного проєкту, а предсидатель Мирович амбасадорки Репчековей пренєсол и же би Войводини и Сербиї добре пришла помоц жеми хтора уж прешла транзицийну драгу по моделу ефикасней привреди.

4-APV-02

Предложел же би Словацка помогла у витвореню пилот-проєктох у двох општинох у Войводини у едукованю наших польопривреднїкох за вирабянє проєктох за хаснованє средствох з ИПАРД 2 програми ЕУ, а собешеднїки ше зложели же треба робиц и на заєднїцких проєктох у рамикох Дунайскей стратеґиї.

У другей часци нащиви Покраїнскей влади амбасадорка Словацкей у Сербиї Даґмар Репчекова членом Покраїнскей влади и заменїком покраїнских секеретарох представела приоритети словацкого предшедованя зоз Совитом ЕУ и гварела же єден з нїх будзе предлуженє процесу преширеня ЕУ, а у тим Сербия ма вельку потримовку Словацкей.

4-APV-03

ПОВЯЗАНИ ТЕКСТИ