Подписованє петициї за означованє Дня здогадованя на жени жертви насилства

автор сен
945 Опатрене

НОВИ САД – Женска парламентарна мрежа Скупштини АП Войводини, Скупштина Городу Нови Сад и Совит за родну ровноправносц Скупштини Городу орґанизовали подписованє петициї же би 18. май бул утвердзени за Дзень здогадованя на забити жени котри були жертви насилства. З тей нагоди петицию подписали и чолни людзе Городу.

– Циль же би 18. май нє бул лєм дзень здогадованя на жени котри були жертви насилства, алє и опомнуце на активизем процив того зявеня. Насилство нє шмеме толеровац, нє можеме буц пасивни патраче, алє кажде ма поробиц цо може же би ше таки ствари нє збували. Держава поробела значни крочаї у превентивней борби процив насилства над женми, так же принєсла нови законски ришеня и уведла нови институти. Медзитим, надпоминам же то нє лєм питанє держави, алє цалей заєднїци -гварел городоначалнїк Нового Саду Милош Вучевич.

Петицию порушали Автономни женски центер и Мрежа-жени процив насилства, а же би 18. май бул Дзень здогадованя на забити жени котри були жертви насилства предложели прето же 2015. року за три днї, од 16. по 18. май, у Сербиї забити седем жени.

ПОВЯЗАНИ ТЕКСТИ