РУСКИ КЕРЕСТУР – Полицайки и полицає з кулскей Полицийней станїци вчера нащивели дзеци з предшколских ґрупох керестурскей дзецинскей заградки и представели свою опрему за процивкриминалистични и други акциї, а тиж и полицийну превозку – марицу.
Нащива витворена у рамикох другей часци проєкту „Полицай и я – товарише од оводи”, хору у шицких обєктох ПУ „Бамби” з Кули у септембру и октобру орґанизує Полицийна управа Зомбор, з потримовку МУП-у Републики Сербиї и Мисиї ОЕБС-у у Сербиї.
У рамикох проєкту бул отворени и конкурс за подобово роботи оводарцох о безпечносци и полициї, а найлєпши буду виложени 28. октобра у подобовей ґалериї у Кули.
