СЕРБИЯ – Кукурица, соя, слунечнїк, цукрова цвикла и други култури ярнєй шатви у добрим стану, бо у дотерашнєй часци веґетациї мали добри условия за розвой, обявел Републични гидрометеоролоґийни завод (РГМЗ). Медзитим, нєстабилна хвиля з частима паданями, яка була прешлого тижня, була вигодна и за розвой хоротох.
Гоч диждж и нїзки температури ошвижели заградково, польодїлски и овоцово култури, така хвиля твори условия за инфекциї и активносц чкодлївцох на польодїлских културох, як и на овоци хтори у фази дозераваня.